Прэзентацыя гандлёва-эканамічнага патэнцыялу Рэспублікі Беларусь для бізнеса Кантхо
15.05.2026 г.14 мая ў рамках візіту ў горад Кантхо Генеральны консул Рэспублікі Беларусь у Хашыміне А. Сідарук правёў прэзентацыю гандлёва-эканамічнага патэнцыялу Рэспублікі Беларусь. Прэзентацыя была арганізавана для прадпрыемстваў-членаў Цэнтра інвестыцый, гандлю і развіцця турызму горада Кантхо і прадстаўнікоў Бізнес-асацыяцыі горада Кантхо.
Даведка: Цэнтр інвестыцый, гандлю і развіцця турызму горада Кантхо аб'ядноўвае больш за 500 прадпрыемстваў, якія працуюць у сферы будаўніцтва, інвестыцый і турызму. Бізнес-асацыяцыя горада Кантхо складаецца з прадпрыемстваў сельскагаспадарчага, прамысловага і харчовага сектараў.
Падчас прэзентацыі асаблівая ўвага была нададзена перспектывам развіцця гандлёва-эканамічнага супрацоўніцтва паміж Рэспублікай Беларусь і паўднёвым В'етнамам, у прыватнасці, у галіне паставак сельскагаспадарчай тэхнікі, малочнай і мясной прадукцыі, а таксама стварэнню сумесных прадпрыемстваў.
Акрамя таго, адбылася сустрэча з намеснікам дырэктара Саюза арганізацый дружбы горада Кантхо. Абмеркаванне было прысвечана гуманітарнаму супрацоўніцтву, у тым ліку арганізацыі сумесных культурных мерапрыемстваў (выстаў і выступленняў мастакоў) у 2027 годзе з нагоды 35-годдзя ўстанаўлення дыпламатычных адносін паміж Рэспублікай Беларусь і Сацыялістычнай Рэспублікай В'етнам.
Пасля мерапрыемстваў бакі пацвердзілі ўзаемную зацікаўленасць у далейшым пашырэнні гандлёва-эканамічных і гуманітарных сувязей паміж Беларуссю і горадам Кантхо.
