Культурнае і гуманітарнае супрацоўніцтва

Культурнае супрацоўніцтва паміж Беларуссю і В'етнамам ажыццяўляецца ў рамках Пагаднення паміж Міністэрствам культуры Рэспублікі Беларусь і Міністэрствам культуры, спорту і турызму Сацыялістычнай Рэспублікі В'етнам, якое было падпісана 21 снежня 2007 г. у г.Мінску.

Акрамя таго 24 верасня 2019 г. у г.Ханое была падпісана Праграма супрацоўніцтва ў галіне культуры паміж Міністэрствам культуры Рэспублікі Беларусь і Міністэрствам культуры, спорту і турызму Сацыялістычнай Рэспублікі В'етнам на 2020 − 2021 гады.

У траўні 2017 г. праведзены Дні культуры Беларусі ў В'етнаме, прызначаныя да 25-годдзя ўстанаўлення дыпламатычных адносін паміж Беларуссю і В'етнамам.

У чэрвені 2018 г. былі арганізаваны Дні культуры В'етнама ў Беларусі. Пры гэтым мерапрыемствы ўпершыню былі праведзены адразу у двух гарадах: Мінску і Брэсце.

У студзені 2018 г. беларускім бокам была аказана гуманітарная дапамога цэнтральным рэгіёнам В'етнама, пацярпелым у выніку разбуральнага тайфуну «Дамры» у лістападзе 2017 г.

11 траўня 2020 г. ад імя Старшыні Нацыянальнага сходу В'етнама Нгуен Тхі Кім Нган былі пераданы 20 тысяч медыцынскіх масак у якасці падарунка для Савета Рэспублікі Нацыянальнага сходу Рэспублікі Беларусь.

У рамках развіцця маладзёжных абменаў з 19 па 29 чэрвеня 2019 г. быў арганізаваны канцэртны тур у В'етнам (гг. Ханой, Нячанг, правінцыя Хынгйен) беларускага дзіцячага ансамбля «Равеснік».

У перыяд з 21 па 30 жніўня 2019 г. была праведзена гуманітарная акцыя па аздараўленню групы в'етнамскіх дзяцей у ўстанове адукацыі «Нацыянальны дзіцячы адукацыйна-аздараўленчы цэнтр «Зубраня» па запрашэнню Прэзідэнта Рэспублікі Беларусь А.Р. Лукашэнкі.

В'етнам на перыяд да 31 снежня 2022 г. увёў для беларускіх грамадзян бязвізавы рыжым уезду пры кароткатэрміновых паездках (да 15 каляндарных дзён) незалежна ад мэтаў паездкі і віду пашпарта.

Беларусь таксама спрасціла візавы рыжым для грамадзян В'етнама (30 дзён без віз пры наяўнасці адчыненай шэнгенскай візы).

30 жніўня 2021 г. па дыпламатычных каналах быў атрыманы запыт в'етнамскага боку аб аказанні міжнароднай гуманітарнай дапамогі для пераадолення ўспышкі каранавіруснай інфекцыі.

Пастановай Савета Міністраў Рэспублікі Беларусь № 630 ад 3 лістапада 2021 г. прынята рашэнне аб аказанні дапамогі В'етнаму.

Гуманітарны груз больш за 15 тон, які змяшчаў медыцынскае абсталяванне і сродкі індывідуальнай абароны, быў дастаўлены ў В'етнам 25 снежня 2021 г. Груз суправаджала дэлегацыя МНС Беларусі пад кіраўніцтвам намесніка Міністра па надзвычайных сітуацыях Юржыца А.М.