Аб сустрэчы Генеральнага консула А.Сідарука з в.а. Дырэктара дэпартамента замежных спраў г.Хашыміна
16.12.2025 г.16 снежня адбылася сустрэча Генеральнага консула Рэспублікі Беларусь А.Сідарука з выконваючым абавязкі Дырэктара Дэпартамента замежных спраў г.Хашыміна Фам Зыт Дыемам.
У рамках перагавораў абмеркавана шырокае кола пытанняў беларуска-в'етнамскага ўзаемадзеяння. А.Сідарук падкрэсліў зацікаўленасць у пашырэнні практычнага супрацоўніцтва, у тым ліку палітычны дыялог, гандлёва-эканамічныя сувязі і гуманітарнае ўзаемадзеянне.
Асаблівая ўвага ўдзелена паглыбленню партнёрства ў галіне эканомікі, культуры, адукацыі і навукі, развіццю міжрэгіянальных сувязей у рамках Праграмы супрацоўніцтва паміж Мінскам і Хашымінам на 2024-2026 гады.
Фан Зыт Дыем адзначыў важнасць, якую В'етнам надае супрацоўніцтву з Беларуссю, гатоўнасць падтрымліваць рэгулярныя кантакты і аказваць неабходнае садзейнічанне дзейнасці Генеральнага консульства.
