Аб Семінары па развіцці гандлю і інвестыцый паміж Беларуссю і В'етнамам
19.03.2025 г.
19 сакавіка 2024 г. Генеральнае консульства Рэспублікі Беларусь у г.Хашыміне сумесна з Цэнтрам садзейнічання інвестыцыям і гандлю г.Хашыміна і Нацыянальным цэнтрам маркетынгу і кан'юнктуры цэн правялі ў фармаце відэаканферэнцыі Семінар па прасоўванні інвестыцый і гандлю паміж Беларуссю і В'етнамам.
Удзел у мерапрыемстве прынялі больш за 50 прадстаўнікоў в'етнамскага бізнесу.
Падчас выступленняў дакладчыкі прадставілі дэталёвую інфармацыю аб экспартным патэнцыяле Рэспублікі Беларусь, магчымасцях і інструментах для наладжвання гандлёва-эканамічных і інвестыцыйных сувязей паміж беларускімі і в'етнамскімі прадпрымальнікамі, у тым ліку з выкарыстаннем механізмаў Беларускай універсальнай таварнай біржы.
Прадстаўнік Генконсульства адзначыў, што В'етнам — адзін з прыярытэтных партнёраў Беларусі ў Паўднёва-Усходняй Азіі, і звярнуў увагу на ўзаемнае імкненне вывесці супрацоўніцтва на новы ўзровень за кошт стварэння сумесных прадпрыемстваў у сферы высокатэхналагічнай вытворчасці, а таксама неабходнасць заахвочвання бізнесу да ўдзелу ў гандлёвых выставах у нашых краінах для наладжвання прамога ўзаемадзеяння.
Даведка. Мерапрыемства арганізавана ў рамках работы па ўмацаванні і пашырэнні гандлёва-эканамічных сувязей Беларусі і В'етнама ў адпаведнасці з Мемарандумам аб узаемаразуменні паміж Нацыянальным цэнтрам маркетынгу і кан'юнктуры цэн і Цэнтрам садзейнічання інвестыцыям і гандлю г.Хашыміна.
