Аб удзеле ў цырымоніі адкрыцця Міжнароднай выставы “Vietfood&Beverage – Propack Vietnam

7 жніўня віцэ-консул Генеральнага консульства Рэспублікі Беларусь у Хашыміне Паліна Карпава прыняла ўдзел ва ўрачыстай цырымоніі адкрыцця Міжнароднай выставы “Vietfood&Beverage-Propack Vietnam”.

Vietfood&Beverage-Propack Vietnam – найбуйнейшая спецыялізаваная выстава харчовай прамысловасці поўдня В'етнама. У 2025 годзе ў мерапрыемстве прынялі ўдзел больш за 750 кампаній з 20 краін. Асноўныя раздзелы выстаўкі ўключаюць харчовую прадукцыю, напоі, упакоўку і абсталяванне для перапрацоўкі харчовай прадукцыі.

У рамках мерапрыемства віцэ-консул наведала стэнд СП «Санта-Брэмар», дзе азнаёмілася з прадстаўленым асартыментам беларускай прадукцыі.

На палях выставы адбыліся кантакты з прадстаўнікамі профільных в'етнамскіх прадпрыемстваў, зацікаўленых у развіцці супрацоўніцтва з Беларуссю.

Версія для друку