Аб прызначэнні Генеральнага консула Беларусі Р.Варанкова паслом в'етнамскага традыцыйнага касцюма Аазай
10.03.2025 г.
7-9 сакавіка 2025 г. Генеральны консул Рэспублікі Беларусь у г. Хашыміне Руслан Варанкоў узяў актыўны ўдзел у мерапрыемствах 11-га Фестывалю в'етнамскага традыцыйнага касцюма Аазай.
Асабліва яркім момантам фестывалю стала прызначэнне Руслана Варанкова і яго жонкі пасламі Аазай. Гэтае ганаровае званне было прысвоена ім за шырокамаштабную падтрымку фестывалю, прасоўванне яго ідэй, а таксама ўнёсак ва ўмацаванне культурных сувязей паміж Беларуссю і В'етнамам.
Фестываль Аазай з 2014 года стаў ключавым мерапрыемствам турыстычнай індустрыі г. Хашыміна. Сёння ён ператварыўся ў культурны феномен, які прываблівае тысячы мясцовых і замежных турыстаў.
Праграма фестывалю ўключала парады, выставы, майстар-класы і шоу, прысвечаныя мастацтву стварэння і нашэння Аазай. На працягу трох дзён на цэнтральнай сцэне Хашыміна таленавітыя дызайнеры, мастакі і мадэлі прапанавалі яркія і маляўнічыя варыяцыі традыцыйнага в'етнамскага касцюма, аддаючы даніну павагі в'етнамскай культуры і прыгажосці.
Удзел Генеральнага консула Беларусі Руслана Варанкова ў гэтым мерапрыемстве падкрэсліў значнасць міжнароднага супрацоўніцтва і культурнага абмену, садзейнічаючы ўмацаванню сяброўства паміж народамі Беларусі і В'етнама.
