Аб удзеле ў мерапрыемствах да Дня прадпрымальніка
05.10.2025 г.
5 кастрычніка віцэ-консул Генеральнага консульства Рэспублікі Беларусь у Хашыміне Паліна Карпава прыняла ўдзел у бізнес-форуме і выставе, арганізаваных В'етнамскім клубам прадпрыемстваў да Дня прадпрымальніка ў В'етнаме.
У мерапрыемствах прынялі ўдзел больш за 30 в'етнамскіх кампаній, якія прадставілі сваю прадукцыю ў ключавых напрамках супрацоўніцтва: харчовая і сельскагаспадарчая прамысловасць, лёгкая і цяжкая прамысловасць. Асаблівая ўвага была нададзена ІТ-тэхналогіям і ўключэнню лічбавых рашэнняў у бізнес-працэсы.
Падчас дзелавой праграмы была прадстаўлена інформацыя пра Рэспубліку Беларусь, напрамкі для беларускага экспарту ў В'етнам і перспектывы пашырэння гандлёва-эканамічнага супрацоўніцтва паміж дзвюма краінамі.
Устаноўлены кантакты з в'етнамскімі прадпрыемствамі, якія працуюць у сельскагаспадарчым, харчовым і прамысловым сектарах, а таксама з адпаведнымі асацыяцыямі ў Хашыміне.
