Аб правядзенні вебінара беларускіх тураператараў і Асацыяцыі турызму г. Хюэ

22 чэрвеня пры садзейнічанні Генеральнага консульства Рэспублікі Беларусь у г. Хашыміне адбыўся вэбінар з удзелам прадстаўнікоў турыстычнай галіны Рэспублікі Беларусь і горада Хюэ.

Беларускі бок на мерапрыемстве прадставілі Нацыянальнае агенцтва па турызме Рэспублікі Беларусь і беларускія турыстычныя аператары. З боку В'етнама ўдзел прынялі Дырэктар Дэпартамента замежных спраў г. Хюэ, Старшыня Асацыяцыі турызму г. Хюэ і кіраўніцтва турыстычных кампаній горада.

З прывітальным словам да ўдзельнікаў звярнуўся Генеральны консул Рэспублікі Беларусь у г. Хашыміне Аляксандр Сідарук, які адзначыў важнасць развіцця беларуска-в'етнамскага супрацоўніцтва ў сферы турызму і пашырэння прамых кантактаў паміж прадстаўнікамі турыстычнай галіны дзвюх краін.

У ходзе вебінара бакі прадставілі турыстычны патэнцыял Рэспублікі Беларусь і гарады Хюэ, абмеркавалі перспектыўныя напрамкі ўзаемадзеяння паміж турыстычнымі арганізацыямі, а таксама абмяняліся вопытам па прасоўванні турыстычных паслуг на знешніх рынках.

Асаблівая ўвага ўдзелена пытанням арганізацыі сумесных мерапрыемстваў, удзелу ў турыстычных выставах і ўзаемнай папулярызацыі турыстычнага патэнцыялу Рэспублікі Беларусь і горада Хюэ для грамадзян дзвюх краін.

Правядзенне вебінару садзейнічала наладжванню новых кантактаў паміж прадстаўнікамі турыстычнага бізнесу Беларусі і В'етнама і далейшаму развіццю двухбаковага супрацоўніцтва ў турыстычнай сферы.

Версія для друку