Гандлёва-эканамічнае супрацоўніцтва
У кастрычніку 2016 г. увайшло ў сілу Пагадненне аб зоне свабоднага гандлю паміж дзяржавамі-членамі ЕАЭС і В'етнамам, а таксама беларуска-в'етнамскі міжурадавы Пратакол аб падтрымцы вытворчасці маторных транспартных сродкаў на тэрыторыі В'етнама.
Тавараабарот Рэспублікі Беларусь з Сацыялістычнай Рэспублікай В'етнам
млн. долараў ЗША
|
|
2016 |
2017 |
2018 |
2019 |
2020 |
2021 |
|
Тавараабарот |
121 |
135,3 |
115,3 |
211,1 |
178,7 |
200,3 |
|
Экспарт |
76,8 |
76,3 |
61,6 |
108,2 |
95,8 |
92,9 |
|
Імпарт |
44,2 |
59 |
53,7 |
102,9 |
82,9 |
107,4 |
|
Сальда |
32,6 |
17,3 |
7,9 |
5,3 |
12,9 |
-14,5 |
Асноўнымі артыкуламі беларускага экспарту ў В'етнам у апошнія гады з'яўляюцца:
♦ калійныя ўгнаенні;
♦ аўтамабілі грузавыя;
♦ кар'ерныя самазвалы;
♦ трактары;
♦ шыны;
♦ малако і малочныя прадукты;
♦ гавядзіна замарожаная;
♦ сінтэтычныя ніці;
♦ поліаміды.
Асноўныя артыкулы імпарту Беларусі з В'етнама:
♦ сродкі сувязі;
♦ камп'ютэрная і аргтэхніка;
♦ морапрадукты;
♦ рыс, арэхі;
♦ абутак і адзенне;
♦ натуральны каўчук;
♦ трапічныя фрукты;
♦ чай, кава, спецыі.
У В'етнаме функцыянуе прадстаўніцтва ААТ «МАЗ». У верасні 2019 года адбылася ўрачыстая цырымонія адкрыцця зборачнага завода грузавікоў «МАЗ» у правінцыі Хынген. 
У красавіку 2020 года завершана працэдура сертыфікацыі ў В'етнаме беларускага малака і малочнай прадукцыі. На завяршальнай стадыі знаходзіцца сертыфікацыя беларускай ялавічыны.
Дзейнічае беларуска-в'етнамская міжпраўкамісія па гандлёва-эканамічным і навукова-тэхнічным супрацоўніцтве. Сустаршыня з беларускага боку — Намеснік Прэм'ер-міністра Сівак А.А., з в'етнамскага боку — Міністр прамысловасці і гандлю Нгуен Хонг Зіен. 23 сакавіка 2022 г. у фармаце відэаканферэнцыі адбылося 15-е пасяджэнне камісіі.
Праводзяцца выставачна-кірмашовыя мерапрыемствы, дзелавыя форумы. У 2009 – 2018 гг. арганізавана 12 буйных беларуска-в'етнамскіх бізнес-форумаў (6 – у Беларусі, 6 – у СРВ).
У 2011 – 2018 гг. арганізавана шэсць нацыянальных экспазіцый Рэспублікі Беларусь у г.Хашыміне і г.Ханое (па тройчы). Нацыянальная экспазіцыя Рэспублікі Беларусь прайшла ў красавіку 2022 г. у г.Ханоеў рамках 31-й міжнароднай выстаўкі «Vietnam EXPO – 2022».
